Լուկաշենկոն նշել է` ինչ պայմաններում Բելառուսը կներքաշվի Ուկրաինայի հակամարտության մեջ 

Բելառուսի նախագահ Ալեքսանդր Լուկաշենկոն ուկրաինացի լրագրող Դիանա Պանչենկոյին տված հարցազրույցում ասել է, որ Մինսկը ռազմական գործողությունների մեջ չի մտնի Ուկրաինայում, եթե ուկրաինացիները չհատեն Բելառուսի սահմանը, սակայն միշտ կօգնի Ռուսաստանին։
«Եթե դուք՝ ուկրաինացիներ, չհատեք մեր սահմանը, մենք երբեք չենք մասնակցի այս պատերազմին, այս թեժ պատերազմին, բայց մենք միշտ կօգնենք Ռուսաստանին»,- ասել է Լուկաշենկոն հարցազրույցում։
Նա ընդգծել է, որ Ռուսաստանը դաշնակից է Բելառուսի համար։ «Ձեզ օգնում է 55 երկիր, այնինչ Ռուսաստանը միայնակ է, միայն Բելառուսն է օգնում»,- հավելել է Լուկաշենկոն։