Պրիգոժինի մահվան` ամերիկյան հետախուզության վարկածը. The Wall Street Journal

Ամերիկացի պաշտոնյաները կարծում են, որ «Վագներ»-ի ղեկավար Եվգենի Պրիգոժինին տեղափոխող ինքնաթիռը վթարի է ենթարկվել մահափորձի նպատակով իրականացված դավադրության հետևանքով: Այս մասին հայտնում է The Wall Street Journal-ը։

Պաշտոնյաները նաև կարծում են, որ ինքնաթիռը չի խոցվել «երկիր-օդ» հրթիռով։
ԱՄՆ կառավարության նախնական գնահատականները, որոնք պաշտոնյաներն ընդգծել են, որ թերի են, ենթադրում են, որ ինքնաթիռում ռումբ է պայթել: Դիտարկվում է նաև դիվերսիայի վարկածը:

Ռուս լրագրող Անդրեյ Զախարովի խոսքով՝ Պրիգոժինը Աֆրիկայից վերադառնում էր «Վագներ»-ի «հրամանատարական շտաբի» հետ։ Ռուսական «գործակալությունը» հայտնել է, որ օլիգարխն իր ինքնաթիռը նստել է միայն Մոսկվայում։

Վթարի պատճառն անհայտ է։ Ինչպես հայտնում է Baza հեռուստաալիքը, օդաչուները դիսպետչերներին չեն տեղեկացրել արտակարգ իրավիճակների մասին։