Բելառուսում ապամոնտաժում են «Վագներ»-ի ճամբարը

Բելառուսի Մոգիլևի շրջանում ապամոնտաժվում է «Վագներ» ՄՌԸ-ի դաշտային ճամբարը, որը սկսել է կառուցվել հունիսի վերջին, հայտնում է «Ազատություն» ռադիոկայանը։

Լրագրողները ցույց են տվել օգոստոսի 23-ին արված Planet Labs-ի արբանյակային լուսանկարը: Բելառուսի «Ազատություն» ռադիոկայանի փոխանցմամբ՝ վրանների մեկ երրորդը հանվել է ճամբարից՝ մոտ 101-ը՝ 273-ից։ Ենթադրվում է, որ մոտ 5000 վարձկաններից 2020-ը կարող են լքած լինել ճամբարը։ Հայտնի չէ՝ արդյոք «վագներականները» լքել են Բելառուսը։

Աղբյուրը նշում է, որ առաջին վրաններն սկսել են ապամոնտաժվել օգոստոսի 1-ին՝ ճամբարի կառուցումից մոտ մեկ ամիս անց։

Բելառուսի «Ազատություն» ռադիոկայանը գրում է, որ որոշ վարձկաններ ուղարկվում են Ռուսաստան երկարատև արձակուրդների: «Վագներականների» մի մասն էլ ուղարկվում են Աֆրիկա: