Աշխարհի ամենամեծ ավիակիրը` ամերիկյան USS Gerald R. Ford-ը, Անթալիայի նավահանգստում է

Աշխարհի ամենամեծ ավիակիր USS Gerald R. Ford-ը ժամանել է Անթալիայի QTerminals նավահանգիստ: Այս մասին հայտնել է նավահանգստի տնօրեն Օզգութ Սերթը, փոխանցում է Anadolu-ն։

Նրա խոսքով՝ Անթալիայի նավահանգիստ է ժամանել USS Gerald R. Ford-ը անձնակազմի 4500 անդամներով։ Սերթը նշել է, որ նման նավի ժամանումը Անթալիայի նավահանգիստ զգալի ներդրում կունենա Թուրքիայի տնտեսության մեջ։

«USS Gerald R. Ford-ի անձնակազմը շրջել է Անթալիայում և մի քանի գնումներ կատարել: Զբոսաշրջիկներն ու Անթալիայի բնակիչներն իրենց հերթին հետաքրքրությամբ են դիտում նավը»,- ասել է նա։