Սաուդյան Արաբիայում ուսուցչին մահապատժի են դատապարտել X-ում գրառումներ անելու պատճառով

Սաուդյան Արաբիայի քաղաքացին մահապատժի է դատապարտվել X-ում (նախկինում՝ Twitter) գրառումների համար։ 54-ամյա թոշակառու ուսուցիչ Մուհամմադ ալ-Ղամդին մեղադրվում է թագավորին և թագաժառանգին վիրավորելու մեջ։ Այս մասին գրում է ABC News-ը։

Դատախազները կարծում են, որ ալ-Ղամդին դավաճանել է կրոնը և խախտել հասարակության անվտանգությունը։ Դատավճիռը հիմնված է նրա ռեթվիթերի և YouTube-ի տեսանյութերի վրա։ X-ում նախկին ուսուցչի հաշիվն ունի ութ բաժանորդ։ Նշվում է, որ Մուհամմադ ալ-Ղամդիի եղբայրը՝ Սաիդ բեն Նասեր ալ-Ղամդին, ընդդիմադիր է, ով ապրում է Մեծ Բրիտանիայում։ Սաիդը համոզված է, որ եղբոր դեմ գործը քաղաքականացված է։

Հրատարակության տվյալներով՝ մահապատիժների թվով Սաուդյան Արաբիան զբաղեցնում է երրորդ տեղը՝ զիջելով միայն Չինաստանին ու Իրանին։ Անցյալ տարի երկրում մահապատժի 196 դատավճիռ է կայացվել։ Միաժամանակ մեկ օրում մահապատժի են ենթարկել 81 բանտարկյալի, ինչը թագավորության ողջ ժամանակակից պատմության մեջ ամենամեծ զանգվածային մահապատիժն էր։