Ալեն Սիմոնյանը որոշել է պետբյուջեի հաշվին շրջագայություններ նվիրել պատգամավորներին. «Ժողովուրդ»
![]() 1672 Ուրբաթ, 01 սեպտեմբերի, 2023 թ., 08:54 «Ժողովուրդ» օրաթերթը գրում է. «Իշխանական պատգամավորների համար սկսվում են երանելի ժամանակները. առաջիկա ամիսներին շրջագայությունների իսկական բում է սպասվում նրանց: ԱԺ խոսնակ Ալեն Սիմոնյանը որոշել է պետբյուջեի հաշվին շրջագայություններ շռայլել պատգամավորներին, ընդ որում՝ Սիմոնյանը բարեհաճ է գտնվել թե՛ իշխանականների, թե՛ ընդդիմադիրների նկատմամբ. նրանք ողջ սեպտեմբեր և հոկտեմբեր ամիսներին շրջագայությունների մեջ կլինեն: Տեղեկացանք, որ աշնան առաջին ամիսն ակտիվ գործուղումներով կսկսի ՔՊ-ական Արմեն Խաչատրյանը. վերջինս սեպտեմբերի 4-5-ը կգործուղվի Մինսկ՝ ՀԱՊԿ անդամ պետությունների խորհրդարանների արտաքին հարաբերությունների, պաշտպանության և անվտանգության հարցերի հանձնաժողովների նախագահների խորհրդակցությանը մասնակցելու համար, իսկ սեպտեմբերի 6-ին կմեկնի Բելառուս՝ Բրեստ, «Փոխգործակցություն-2023» ՀԱՊԿ արագ արձագանքման հավաքական ուժերի համատեղ զորավարժություններին խորհրդարանական մոնիթորինգ իրականացնելու համար: Պետբյուջեի հաշվին գործուղման կգնա նաև ԱԺ փոխխոսնակ Ռուբեն Ռուբինյանը: Նա սեպտեմբերի 10-14-ը Փարիզում կմասնակցի ԵԽԽՎ քաղաքական և ժողովրդավարության հարցերի և Մոնիտորինգի հանձնաժողովների նիստերին: ՄԱԿ-ի Գլխավոր ասամբլեայի 78-րդ նստաշրջանի բարձրաստիճան հատվածին մասնակցելու համար սեպտեմբերի 19-25-ը Նյու Յորք կմեկնեն Նարեկ Զեյնալյանը, Լուսինե Բադալյանը ու Արփինե Դավոյանը: ՔՊ-ականների թանկարժեք շրջագայությունները կշարունակվեն նաև հոկտեմբերին: Հոկտեմբերի 5-10-ը ԱԺ պատվիրակություն կմեկնի Կոպենհագեն՝ ՆԱՏՕ-ի խորհրդարանական վեհաժողովի տարեկան նստաշրջանի աշխատանքներին մասնակցելու համար: Պատվիրակության կազմում կլինեն ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը, ԱԺ պատգամավորներ Վահագն Ալեքսանյանը և Արուսյակ Ջուլհակյանը: Արմեն Գևորգյանը 2023 թվականի հոկտեմբերի 22-27-ը Ստրասբուրգում կլինի: Շրջագայությունների շքերթը եզրափակում է Մարիա Կարապետյանը. նա «Ալյանս հանուն պատասխանատու քաղաքացիության» նորաստեղծ նախաձեռնության առաջին համաժողովի աշխատանքներին մասնակցելու համար հոկտեմբերի 29-ից նոյեմբերի 2-ը կգործուղվի Լոնդոն»: Մանրամասները՝ թերթի համարում: |
Կյանքը թանկանում է. գնաճի պատկերը՝ ըստ պաշտոնական թվերի. «Ժողովուրդ»
21509:12«ՀՀ-ն կմիանա Իրանի, Օմանի, Կատարի, Թուրքմենստանի, Ուզբեկստանի միջև միջանցքին». Փույա Հոսսեինի (լուսանկար)
25201:12ԱՄՆ-ն կրճատում է Չինաստանից ներմուծման մաքսատուրքերը
45500:28«Հնդկաստանն արգելել է Ադրբեջանից ապրանքների ներմուծումը»․ Պակիստանի դեսպան
434Երեկ, 16:06«Կարկուտի վնասների փոխհատուցման ի՞նչ քայլեր են ձեռնարկվում»․ Գառնիկ Դանիելյանը՝ Գևորգ Պապոյանին (տեսանյութ)
45507.05.2025, 13:30ՍԱՏՄ նախկին ղեկավարը կալանավորվել է
46106.05.2025, 19:42«Զեղծարարության զոհ դարձած մարդկանց վարկերը սառեցված են». Մարտին Գալստյան (տեսանյութ)
40106.05.2025, 18:30«Նախընտրական տրամաբանության մեջ է «ներբեռնվում» նաև Կենտրոնական բանկը»․ Հակոբ Բադալյան
39206.05.2025, 18:06