Արցախի նախագահի նստավայրի ուղղությամբ հնչած կրակոցների գործով կան կալանավորվածներ. ԱՀ ՔԿ

ԱՀ քննչական կոմիտեն հայտնում է. «Ի լրումն սույն թվականի օգոստոսի 28-ին մեր կողմից տարածված տեղեկատվության՝ հայտնում ենք, որ նախագահի նստավայրում հնչած կրակոցների դեպքով ենթադրյալ հանցագործություն կատարած և ձերբակալված 1981, 1983 թթ. ծնված կասկածյալները որպես մեղադրյալ են ներգրավվել և նրանց մեղադրանք է առաջադրվել ԱՀ քրեական օրենսգրքի 269-րդ հոդվածի 4-րդ մասով և 245-րդ հոդվածի 1-ին մասով նախատեսված հանցագործությունների կատարման համար: ԱՀ ընդհանուր իրավասության առաջին ատյանի դատարանը բավարարել է նրանց նկատմամբ կալանավորումը որպես խափանման միջոց ընտրելու մասին քննիչի միջնորդությունը:
Նախաքննությունը շարունակվում է»: