Իրանի նախագահը կայցելի Թուրքիա

Սպասվում է, որ Իրանի նախագահ Իբրահիմ Ռաիսին մոտ օրերս պաշտոնական այցով կմեկնի Թուրքիա, իրանցի գործընկեր Հոսեյն Ամիր Աբդոլլահյանի հետ բանակցություններից հետո Թեհրանում կայացած մամուլի ասուլիսում ասել է Թուրքիայի արտգործնախարար Հաքան Ֆիդանը։

«Սպասում ենք, որ պարոն Ռաիսին կայցելի Թուրքիա Համագործակցության խորհրդի ամենաբարձր մակարդակով ութերորդ հանդիպման կապակցությամբ: Աստծո կամոք Ռաիսին կհանդիպի մեր նախագահի հետ»,- ասել է Հ. Ֆիդանը:

Ֆիդանն ընդգծել է, որ իր գործընկերոջ հետ քննարկել է ահաբեկչության դեմ պայքարի, տնտեսական ու առևտրային համագործակցության հետ կապված մի շարք խնդիրներ։