Հիքմեթ Հաջիևը հանդիպել է Նեթանյահուի հետ

Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը Իսրայել կատարած այցի շրջանակներում հանդիպել է այդ երկրի վարչապետ Բենիամին Նեթանյահուի հետ։
Այս մասին հայտնում է Իսրայելում Ադրբեջանի դեսպանատան էջը X սոցիալական ցանցում (նախկինում՝ Twitter):
«Բինյամին Նեթանյահուն ընդունել է Հիքմեթ Հաջիևին, ով վարչապետին է փոխանցել նախագահ Իլհամ Ալիևի ողջույններն ու բարեմաղթանքները։ Հանդիպմանը քննարկվել են երկու երկրների միջև երկկողմ համագործակցության հարցեր և ապագայի հեռանկարներ»,- ասված է հաղորդագրության մեջ։