Գարիկ Գալեյանը կալանավորվեց

Զոհված զինծառայողի հայր Գարիկ Գալեյանի փաստաբան Վահան Հովհաննիսյանը լրագրողների հետ զրույցում հայտնեց, որ Շենգավիթի դատարանը բավարարել է նրան կալանավորելու միջնորդությունը․ «Գալեյանն ուներ պատժին ու կալանքի կրմանը խոչընդոտող երեք հիվանդություններ՝ սահմանված Կառավարության որոշմամբ։ Նման պարագայում խափանման միջոց կալանքի կիրառումն անձի նկատմամբ խոշտանգում է»,- ասաց փաստաբանը՝ հավելելով, որ գործընթացի նպատակը Գալեյանին վարկաբեկելն է, «Որդիների կանչ» ՀԿ-ն՝ արատավորելը։

Նախօրեին ՔԿ-ն հայտնել էր, որ Գալեյանին մեղադրանք է ներկայացվել թմրամիջոցների ապօրինի շրջանառության և խուլիգանություն կատարելու համար։