Բաքվում Արգենտինայի դեսպանին կանչել են Ադրբեջանի ԱԳՆ հայամետ հայտարարությունների համար

Ադրբեջանում Արգենտինայի դեսպան Մարիանջելես Բելուշին կանչվել է Ադրբեջանի արտաքին գործերի նախարարություն, հայտնում է ԱՀ ԱԳՆ կայքը։
Ադրբեջանի ԱԳՆ հայտարարության մեջ ասվում է, որ Արգենտինայի դեսպանին ԱԳՆ-ից բողոքի նոտա է հանձնվել 2023 թվականի սեպտեմբերի 10-ին Նյու Դելիում G20 գագաթնաժողովի շրջանակներում Արգենտինայի նախագահ Ալբերտո Ֆերնանդեսի արած հայտարարությունների կապակցությամբ, «որը պարունակում էր ագրեսիվ հայտարարություններ Ադրբեջանի դեմ»։

«ԱԳՆ-ն ափսոսանք է հայտնել Հայաստանի կողմից իրականացվող զրպարտչական արշավի վրա հիմնված անհիմն մտքերի արտահայտման համար, որը խեղաթյուրում է տարածաշրջանի իրական իրավիճակը և ուղղված է Ադրբեջանի ինքնիշխանության և տարածքային ամբողջականության դեմ։

Նշվել է նաև, որ չնայած Ադրբեջանի առաջարկներին՝ օգտագործել այլընտրանքային ուղիներ՝ Ադրբեջանի Ղարաբաղի շրջանի հայ բնակչության կարիքները հոգալու համար, այդ թվում՝ Աղդամ-Խանքենդի երթուղին, այն փաստը, որ առաջարկվող պարենամթերքը երբեք չի ընդունվել, հաստատում է, որ խնդիրը մարդասիրական չէ, այլ քաղաքական:

Արգենտինական կողմի ուշադրությունն է հրավիրվել Ադրբեջանի տարածքային ամբողջականությունն ու ինքնիշխանությունը ոտնահարող հայտարարություններից զերծ մնալու անհրաժեշտության վրա»,- ասվում է հակառակորդի գերատեսչության հայտարարության մեջ։