Հարավային Օսիայի նախագահը շնորհավորել է Սամվել Շահրամանյանին

Հարավային Օսիայի նախագահ Ալան Գագլոևը շնորհավորել է Սամվել Շահրամանյանին Արցախի Հանրապետության նախագահի պաշտոնում ընտրվելու կապակցությամբ։

«Ընդունեք իմ անկեղծ շնորհավորանքները Արցախի Հանրապետության Նախագահի պաշտոնում ընտրվելու կապակցությամբ։

«Արցախի համար այս բարդ ժամանակաշրջանում Ձեր հայրենասիրությունը, բարձր հեղինակությունը, ժողովրդի շրջանում ունեցած վստահությունը, պետական գործունեության փորձը, նպատակաուղղվածությունն ու հավատը՝ ստանձնած առաքելության նկատմամբ, կոչված են հանգեցնելու արդյունքների, հասնելու հրատապ խնդիրների լուծմանը և արդարացնելու հասարակության սպասումները»,- նշված է ուղերձում։