Մահացել է դերասան Սամվել Սարգսյանը

Հայաստանի թատերական գործիչների միությունը տեղեկացնում է, որ մահացել է սիրված դերասան Սամվել Սարգսյանը։

Նա ծնվել է 1955թ․ սեպտեմբերի 18-ին՝ Երևանում։

1961-1971 թվականներին սովորել է Երևանի Գայի անվան թիվ 129 միջնակարգ դպրոցում, 1971-1975 թվականներին՝ Երևանի գեղարվեստա-թատերական ինստիտուտում։ 1980-ականներին աշխատել է Գյումրիի Վարդան Աճեմյանի անվան պետական դրամատիկական թատրոնում, 1990-ական թվականներին շուրջ 8 տարի՝ Երևանի Սունդուկյանի անվան ազգային ակադեմիական թատրոնում։ 2005-2008 թվականներին բնակվել է ԱՄՆ-ում։ Նկարահանվել է «Մեր մանկության տանգոն» (1984թ.), «Մարիամ» (2005թ.), «Հարսնացուն կրկեսից» (2011թ.) և այլ ֆիլմերում: