Արցախի քաղաքացիները «Ղարաբաղն Ադրբեջան է» բովանդակությամբ «SMS»-ներ են ստացել

562

Երեքշաբթի, 12 սեպտեմբերի, 2023 թ., 14:18

Արցախի Հանրապետության ազգային անվտանգության ծառայությունն իրազեկում է, որ ԱՀ քաղաքացիները «9009», «0044», «4452» կարճ հեռախոսահամարներից «Ղարաբաղը Ադրբեջան է» բովանդակությամբ «SMS» հաղորդագրություններ են ստացել։

Արցախի Հանրապետության ազգային անվտանգության ծառայությունը կոչ է անում նման հաղորդագրություններ ստանալու դեպքում չպատասխանել և խուճապի չմատնվել։

Կասկածելի բնույթի հաղորդագրություններ, զանգեր ստանալու դեպքում անհապաղ դիմեք ԱՀ ազգային անվտանգության ծառայությանը կամ զանգահարեք թեժ գծի հեռախոսահամարներին՝ 047-94-41-26 և 41-26:

Աղբյուրը` ԱՀ ազգային անվտանգության ծառայություն