Հինգշաբթի, 05 հունիսի, 2025 թ.
|
Ստեփանակերտում`   +13 °C

«Մեծագույն հարգանք ունենք վրացական ամեն ինչի, այդ թվում՝ պետհամարանիշերի նկատմամբ». վարչապետ

«Մեծագույն հարգանք ունենք վրացական ամեն ինչի, այդ թվում՝ պետհամարանիշերի նկատմամբ». վարչապետ
2912
Չորեքշաբթի, 13 սեպտեմբերի, 2023 թ., 17:06

«Մեծագույն հարգանք ունենք վրացական ամեն ինչի, այդ թվում՝ պետհամարանիշերի նկատմամբ, բայց խոսքը նրա մասին է, որ ՀՀ-ում օտարերկրյա պետհամարանիշով ավտոմեքենաներ օգտագործելու ժամկետներ ու կարգեր կան, ու մենք գիտենք, որ այդտեղ խոսքը ոչ թե վրացական պետհամարանիշերով ավտոմեքենաներ ունենալու մասին է, այլ ՀՀ-ի նկատմամբ ունեցած հարկային պարտավորությունները չկատարելու: Որևէ պատճառաբանությամբ ՀՀ նկատմամբ հարկային և մաքսային պարտավորությունները չկատարելը մեզ համար անընդունելի է»,- ԱԺ-Կառավարություն հարցուպատասխանի ժամին, պատասխանելով վրացական պետհամարանիշերով ավտոմեքենաների վերաբերյալ ՔՊ-ական պատգամավոր Շիրակ Թորոսյանի հարցին, ասաց ՀՀ վարչապետ Նիկոլ Փաշինյանը:

Թորոսյանը մտահոգություն էր հայտնել ՊԵԿ նախագծի վերաբերյալ, որը, ըստ նրա, փորձ է անում կարգավորել ՀՀ քաղաքացիների ու երկքաղաքացիների՝ վրացական համարանիշերով մեքենաների օգտագործումը ՀՀ տարածքում. «Ճիշտ է՝ նախագիծը միտված է կարգավորելու խնդիրը, բայց իր մեջ պարունակում է լուրջ հիմնախնդիր»,- ասել էր պատգամավորը:

Հիշեցնենք՝ գործադիրին հարցեր ուղղելու համար հերթագրվել է 28 պատգամավոր: