Պետքարտուղարությունը վաղաժամ է համարել Հայաստանի` Ռուսաստանի Դաշնությունից հեռանալու վերաբերյալ քննարկումները

1908

Հինգշաբթի, 14 սեպտեմբերի, 2023 թ., 21:36

Ներկայում դեռ վաղ է խոսել, թե արդյոք Հայաստանը ձգտում է մշտապես հեռանալ Ռուսաստանից և շարժվել դեպի Արևմուտք։ Այսպիսի հայտարարություն է արել հինգշաբթի՝ սեպտեմբերի 14-ին, Եվրոպայի և Եվրասիայի հարցերով ԱՄՆ պետքարտուղարի պաշտոնակատար Յուրի Քիմը։

«Կարծում եմ, որ դեռ վաղ է դրա մասին խոսել»,- ասել է նա ԱՄՆ Սենատի արտաքին հարաբերությունների հանձնաժողովում լսումների ժամանակ՝ պատասխանելով համապատասխան հարցին: Նա ընդգծել է, որ Վաշինգթոնը պետք է ԱՄՆ-ի և Հայաստանի հարաբերությունները դարձնի այնպես, ինչպես կցանկանար, որպեսզի խոսվի ԱՄՆ-ի, այլ ոչ թե Ռուսաստանի հետ գործընկերության մասին։

«Սրան հասնելու համար մենք պետք է այնտեղ լինենք: Այդ իսկ պատճառով Հայաստանին ցուցաբերվող մեր օգնությունն այդքան կարևոր է մեր գործընկերության մեջ»,- հավելել է Պետդեպարտամենտի ներկայացուցիչը։

Քիմի խոսքով, նման օգնությունը պետք է տրամադրվի «Հայաստանի հետ իրական գործընկերության շրջանակներում»։

«Մենք պետք է համոզված լինենք, որ տրամադրում ենք Հայաստանին աջակցություն, որն անհրաժեշտ է կատարելու համար այն շրջադարձը, որոնք իրենք ուզում են»,- ասել է Քիմը: