Երկուշաբթի, 15 հուլիսի, 2024 թ.
|
Ստեփանակերտում`   +24 °C

Դատախազությունը Ռոբերտ Նազարյանից պահանջում է բռնագանձել 8 անշարժ գույք և շուրջ 1 մլրդ դրամ

Դատախազությունը Ռոբերտ Նազարյանից պահանջում է բռնագանձել 8 անշարժ գույք և շուրջ 1 մլրդ դրամ
476
Ուրբաթ, 15 սեպտեմբերի, 2023 թ., 16:00

Հակակոռուպցիոն դատարանը 2023 թվականի օգոստոսի 24-ին վարույթ է ընդունել ապօրինի ծագում ունեցող գույքի բռնագանձման վերաբերյալ հերթական հայցադիմումը:

Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ հանրային ծառայությունները կարգավորող հանձնաժողովի նախկին նախագահ Ռ.Ն-ից և նրա հետ փոխկապակցված անձանցից հօգուտ Հայաստանի Հանրապետության բռնագանձել մասնավորապես՝

  • 8 անշարժ գույք Երևան քաղաքում, 3 տրանսպորտային միջոց, իսկ անհնարինության դեպքում՝ դրանց միջին շուկայական արժեքը՝ ավելի քան 1 մլրդ 430 մլն դրամ.
  • 734 մլն դրամին համարժեք ավանդներ և պարտատոմսեր.
  • ավելի քան 1 մլրդ 705 մլն դրամ: