Էրդողանը հայտարարել է, որ Թուրքիայի ու ԵՄ-ի ճանապարհները կարող են բաժանվել

Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիայի ու ԵՄ-ի ճանապարհները կարող են բաժանվել, գրում է РИА Новости-ն՝ հավելելով, որ
Թուրքիան ԵՄ-ի հետ ասոցացման համաձայնագիր է ստորագրել 1963 թվականին, իսկ միությանն անդամակցելու հայտ է ներկայացրել 1987 թվականին։ Սակայն անդամակցության բանակցությունները սկսվել են միայն 2005 թվականին, որոնք բազմիցս դադարեցվել են տարաձայնությունների պատճառով:

Էրդողանն ավելի վաղ հայտարարել էր, որ Արևմուտքը 50 տարի չի պահել Թուրքիային տված իր խոսքը և դանդաղեցնում է երկրի անդամակցությունը ԵՄ-ին։ «ԵՄ-ը ձգտում է առանձնանալ Թուրքիայից: Այս ընթացքում, երբ ԵՄ-ը քայլեր է ձեռնարկում Թուրքիայից անջատվելու համար, մենք մեր գնահատականներն ենք տալիս իրադարձություններին ու դրանից հետո, եթե անհրաժեշտ լինի, մեր ճանապարհները կարող են բաժանվել»,- ասել է Էրդողանը՝ լրագրողների հետ զրույցում։