Հինգշաբթի, 18 հունիսի, 2026 թ.
|
Ստեփանակերտում`   +19 °C

ՌԴ ԱԳՆ-ն հույս է հայտնել, որ Լեռնային Ղարաբաղ հումանիտար մատակարարումները կշարունակվեն

ՌԴ ԱԳՆ-ն հույս է հայտնել, որ Լեռնային Ղարաբաղ հումանիտար մատակարարումները կշարունակվեն
1640
Երկուշաբթի, 18 սեպտեմբերի, 2023 թ., 17:54

Մոսկվան ակնկալում է, որ սեպտեմբերի 18-ին ապրանքների մատակարարումից հետո Լեռնային Ղարաբաղի բնակիչների համար հումանիտար մատակարարումները շարունակական կլինեն, Ռուսաստանի Դաշնությունն ակնկալում է, որ Ղարաբաղում հումանիտար իրավիճակի աստիճանական բարելավումը պայմաններ կստեղծի Բաքվի և Ստեփանակերտի միջև երկխոսության համար։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Սեպտեմբերի 18-ին Կարմիր Խաչի միջազգային կոմիտեի ջանքերով՝ ռուսական խաղաղապահ կոնտինգենտի և ՌԴ արտաքին գործերի նախարարության մասնակցությամբ, երկու ուղղություններով միաժամանակ սննդի և դեղորայքի խմբաքանակներ են առաքվել տարածաշրջան։ Ակնկալում ենք անխոչընդոտ և կանոնավոր մարդասիրական մատակարարումների շարունակությունը՝ ելնելով տեղի բնակչության շահերից, հուսով ենք, որ հումանիտար իրավիճակը Լեռնային Ղարաբաղում աստիճանաբար կբարելավվի և պայմաններ կստեղծի Բաքվի և Ստեփանակերտի միջև երկխոսություն սկսելու համար»,- ասվում է դիվանագետի մեկնաբանության մեջ, որը հրապարակվել է ՌԴ ԱԳՆ կայքում։

Նա հավելել է, որ Ռուսաստանի Դաշնությունը հույս ունի նաև «ռիթմիկ աշխատանքի» վերսկսման՝ հայ-ադրբեջանական հարաբերությունների կարգավորման շուրջ եռակողմ համաձայնագրերի փաթեթի իրականացման։ «Մենք լիովին շահագրգռված ենք Հարավային Կովկասում խաղաղության և կայունության պահպանմամբ»,- եզրափակել է դիվանագետը։