Հակառակորդը պահանջում է պարզել սպիտակ դրոշ ու հանդիպել Եվլախում

Պաշտոնական Բաքուն հայտարարել է, որ պատրաստ է Եվլախում հանդիպել Արցախում բնակվող հայ բնակչության ներկայացուցիչների հետ: Հակառակորդի տարածած հաղորդագրության մեջ մասնավորապես ասվում է. «Ադրբեջանի տարածքում Հայաստանի կողմից ստեղծված և մինչ օրս աջակցվող անօրինական ռեժիմի՝ «բանակցություններ սկսելու» կոչի առնչությամբ, Ադրբեջանի նախագահի աշխատակազմը հայտնում է, որ մի քանի անգամ մեր երկրի Ղարաբաղի տարածաշրջանում բնակվող հայ բնակչության ներկայացուցիչներին հրավիրել է երկխոսության՝ քննարկելու վերաինտեգրման խնդիրները։ Բայց ամեն անգամ մերժում է ստացել: Ադրբեջանի Հանրապետության նախագահի աշխատակազմը հայտարարում է Եվլախում մեր երկրի Ղարաբաղի շրջանում բնակվող հայ բնակչության ներկայացուցիչների հետ հանդիպելու պատրաստակամության մասին։ Սակայն հակաահաբեկչական միջոցառումները դադարեցնելու համար հայկական անօրինական զինված խմբավորումները պետք է բարձրացնեն սպիտակ դրոշը, հանձնեն բոլոր զենքերը, իսկ անօրինական ռեժիմը պետք է ինքնալուծարվի։ Հակառակ դեպքում հակաահաբեկչական միջոցառումները կշարունակվեն մինչև վերջ»: