Հինգշաբթի, 18 հունիսի, 2026 թ.
|
Ստեփանակերտում`   +21 °C

Ադրբեջանի ՊՆ հայտարարությունը՝ Արցախում խաղաղապահների զոհվելու մասին

Ադրբեջանի ՊՆ հայտարարությունը՝ Արցախում խաղաղապահների զոհվելու մասին
3443
Չորեքշաբթի, 20 սեպտեմբերի, 2023 թ., 23:55

Ադրբեջանի պաշտպանության նախարարությունը հայտարարություն է տարածել՝ կապված ռուս խաղաղապահների մահվան հետ։

Հայտարարության մեջ ասվում է. «Սեպտեմբերի 20-ին Ջանյաթաղ (Ճանկաթաղ-խմբ.) բնակավայրի մոտ Ռուսաստանի Դաշնության խաղաղապահ զորախմբի «ՈւԱԶ Patriot» մակնիշի ավտոմեքենայի գնդակոծության հետևանքով արձանագրվել է խաղաղապահ զորախմբի զինծառայողների ողբերգական մահը։ Դեպքի բոլոր հանգամանքները պարզելու համար տեղում աշխատում են Ադրբեջանի և Ռուսաստանի քննչական մարմինները։

Ադրբեջանի պաշտպանության նախարարությունը ցավակցություն է հայտնում ՌԴ ՊՆ ղեկավարությանը, ռուսական խաղաղապահ զորախմբի հրամանատարությանը, զոհված զինծառայողների ընտանիքներին և մերձավորներին։