«ԼՂ մեր հայրենակիցների` անվտանգ տեղում գտնվելը և ապրելը մեր պարտականությունների մեջ է». Փաշինյան

Ես անընդհատ Ադրբեջանին մեղադրել եմ, որ նա պատրաստվում է ԼՂ-ն էթնիկ զտումների ենթարկել: ՀԻմա, երբ վերլուծում եմ, տպավորություն եմ ստանում, որ ուժեր կան, որ ուզում են այդ պլանը իրականացնել այնպես, որ Ադրբեջանը մեղադրվելու որևէ առիթ չունենա: Այսինքն, ասեն որ տեսեք՝ Հայաստանը, Հայաստանի հանրությունը, Լեռնային Ղարաբաղի հայությունը, իրենք որոշեցինք, որ ԼՂ-ում ոչ մի հայ պետք ա չմնա, և որոշեցին ու դուրս եկան: Սա շատ վտանգավոր խոսույթ է, բայց, մյուս կողմից, ԼՂ մեր հայրենակիցների՝ անվտանգ տեղում գտնվելը և ապրելը մեր պարտականությունների մեջ է: Հայաստանում 40 հազար ընտանիք տեղավորելու շուրջ նախապատրաստական աշխատանքներ են տարվել, բայց մենք չենք ուզում այս մասին խոսել, որովհետև կարծում ենք, որ ԼՂ հայերը պետք է ապրեն իրենց տներում, իրենց հայրենիքում՝ արժանապատիվ, անվտանգ պայմաններում: Այսօր այս պահին մեր գնահատականն այն է, որ ԼՂ քաղաքացիական բնակչությանն ուղիղ սպառնալիք չկա»: