«Ոչ մեկը կասկածի տակ չի դրել Ադրբեջանի տարածքային ամբողջականությունը, ավելին, դա ընդունել է նաև Փաշինյանը». Ֆրանսիայի ԱԳ նախարար

Նյու Յորքում ընթացող՝ ԼՂ հարցով ՄԱԿ ԱԽ հրատապ նիստի շրջանակներում, որը նախաձեռնել է Ֆրանսիան,

Ֆրանսիայի ԱԳ նախարար Կատրին Կոլոնան շեշտեց, որ Ադրբեջանի գործողությունների հետևանքով «հարյուրավոր ղարաբաղցիների տեղահանվել և դարձել են տարագիր»։

Նա կոչ է արել գործընկերներին միավորել ջանքերը Լեռնային Ղարաբաղում արյունահեղությունը կանխելու համար՝ հարգելով իրենց հողում ԼՂ հայ բնակիչների անվտանգ ու խաղաղ ապրելու իրավունքը։
Ֆրանսիայի ԱԳ նախարարը հատկապես ուշադրություն է հրավիրել ԼՂ-ում ստեղծված մարդասիրական ճգնաժամի վրա՝ հորդորելով լուրջ քայլեր ձեռնարկել իրավիճակի լիցքաթափման ուղղությամբ։

Նա հիշեցրեց, որ ոչ մեկը կասկածի տակ չի դրել Ադրբեջանի տարածքային ամբողջականությունը, ավելին՝ դա ընդունել և ճանաչել է նաև ՀՀ վարչապետ Նիկոլ Փաշինյանը։