Հացադուլ հայտարարած Սուրեն Պետրոսյանը գիշերն անցկացրել է Հրապարակին հարակից այգում

«Ժողովրդական համախմբում» կուսակցության նախագահ Սուրեն Պետրոսյանը հացադուլ է իրականացնում իր աջակիցների հետ միասին: Նա գիշերն անցկացրել է Հրապարակին հարակից այգում:

«Հայաստանի իշխանությունները լվացել են ձեռքերն Արցախից ու չեն կարողանում երաշխավորել Արցախի և Հայաստանի անվտանգությունը, ուստի անհրաժեշտ է իշխանափոխություն։ Բայց իշխանափոխությունն ինքնանպատակ չէ, դա անհրաժեշտ, բայց ոչ բավարար պայման է, պետք է լինեն խորքային փոփոխություններ, որոնք կբերեն այս ճգնաժամի հաղթահարմանը»,- նախօրեին հայտնել էր գործիչը։