5 երեխաների մոր աչքի առաջ Ադրբեջանը ռմբակոծել է այն հատվածը, որտեղ գտնվել են երեխաները

990

Ուրբաթ, 22 սեպտեմբերի, 2023 թ., 18:36

5 երեխաների մայր Սոֆիկը ականատես է եղել, թե ինչպես է Ադրբեջանը ռմբակոծել մի խումբ հայ երեխաների։ Նրա երեխաներից 3-ը վիրավորվել են, չորրորդ երեխայի գտնվելու վայրի մասին տեղեկություն չունի։ Այս մասին հայտնում է «Արցախցի մայրերի ձայնը» նախաձեռնության անդամ Սիրանույշ Սարգսյանը։
Երբ գյուղը ռմբակոծվել է Ադրբեջանի կողմից, երեխաներն ապահովության համար հավաքվել են ծառի տակ։ Ադրբեջանցիները հարվածել են այդ հատվածին, իսկ գյուղապետը վիրավոր երեխաներին տեղափոխել է հիվանդանոց։ Նրա 15-ամյա որդին մահացել է, և այժմ գյուղապետը չի կարողանում նույնիսկ վերադառնալ որդու մարմինը վերցնելու համար։