«Մեծապես վտանգված է Արցախի հայկական հոգևոր և մշակութային ժառանգությունը». Գարեգին Երկրորդ
![]() 1724 Ուրբաթ, 29 սեպտեմբերի, 2023 թ., 00:12 Սեպտեմբերի 28-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է Ավստրալիայի Նահանգային խորհրդարանականների պատվիրակությանը՝ գլխավորությամբ պատվիրակության համանախագահներ Հուգ Մըք Դերմոթի և Փիմ Ջեյմսի։ Մայր Աթոռի տեղեկատվական համակարգի հաղորդմամբ, ողջունելով հյուրերի այցը հայոց հոգևոր կենտրոն՝ Նորին Սրբությունը խոր մտահոգությամբ անդրադարձել է արցախահայության շարունակվող բռնի տեղահանությանը և Ադրբեջանի իշխանությունների կողմից հայորդիների հետապնդումներին։ Հայոց Հայրապետն ընդգծել է նաև, որ մեծապես վտանգված է Արցախի հայկական հոգևոր և մշակութային ժառանգությունը՝ հիշատակելով ադրբեջանական իշխանությունների կողմից ամբողջ աշխարհի աչքի առաջ Նախիջևանի դարավոր հայկական գերեզմանի շուրջ 6000 խաչքարերի իսպառ ոչնչացումը։ Ամենայն Հայոց Կաթողիկոսը ցավով անդրադարձել է միջազգային հանրության ոչ համարժեք արձագանքին, ինչը և առիթ է տվել Ադրբեջանին անարգել իրագործել Արցախում իր ոճրագործ և ցեղասպան քաղաքականությունը՝ շրջանցելով միջազգային մարդասիրական բոլոր նորմերը։ Հանդիպմանը, Վեհափառ Հայրապետն անդրադարձ կատարելով Ավստրալիա կատարած իր հովվապետական այցելություններին, գոհունակությամբ արձանագրել է, որ ականատեսն է եղել Ավստրալիայի ժողովրդի ու իշխանությունների՝ հայկական համայնքի նկատմամբ դրսևորվող հոգատար վերաբերմունքին։ Այս առնչությամբ Նորին Սրբությունը, հանուն հավատավոր հայորդիների, իր երախտագիտությունն է հայտնել Ավստրալիայի իշխանություններին։ Իր հերթին պատվիրակության համանախագահ Հուգ Մըք Դերմոթը շնորհակալություն է հայտնել Հայոց Հովվապետին Հայաստանի ու Արցախի շուրջ ստեղծված իրավիճակի վերաբերյալ տեղեկատվություն փոխանցելու համար և ընդգծել, որ առկա մարտահրավերների և սպասվող զարգացումների մասին ամբողջական պատկերացումն օգտակար կլինի իրենց հետագա հայանպաստ գործունեության ընթացքում։ |
Մահացել է Սուրեն Բաբայանը
8516:30Իսրայելում Սպիտակի երկրաշարժի 35-րդ տարելիցին նվիրված մշակութային միջոցառումը չի կայանա
170Երեկ, 15:36Ջիվան Գասպարյանի 95-ամյակը կնշանավորվի հոբելյանական գալա-համերգով
25501.12.2023, 19:18«Բերդ-ամրոցների հետ մեկտեղ՝ որպես պաշտպանական կառույցներ, հանդես էին գալիս նաև վանքերը». Տիգրան Ալեքսանյան (լուսանկար)
40630.11.2023, 03:18«***ներին հայկական սրբազան հողից դուրս շպրտելը միայն ու միայն մեր գործն է լինելու». Վարդան Ոսկանյան
44230.11.2023, 00:18«Ռադ արեք բանակից շարայինը և այս անիմաստ զինախաղերը». Մհեր Հակոբյան (տեսանյութ)
39729.11.2023, 23:36Լճաշենի մի քանի հազարամյա փոխադրամիջոցները (լուսանկար)
30929.11.2023, 23:18Դադիվանքի նախկին վանահայր Տեր Հովհաննեսը հոգևոր ծառայության կանցնի Եռաբլուրի եկեղեցում
24129.11.2023, 22:24