Լավրովը ՀԱՊԿ-ից հնարավոր դուրս գալու մասին Երևանի հայտարարությունն ինքնիշխան ընտրություն է որակել

Հավաքական անվտանգության պայմանագրի կազմակերպությունից (ՀԱՊԿ) հնարավոր դուրս գալու մասին հայտարարությունները, որոնք հնչում են Երևանից, Հայաստանի ղեկավարության ինքնիշխան ընտրությունն են։ Այս մասին լրագրողներին ասել է ՌԴ ԱԳ նախարար Սերգեյ Լավրովը։

«Եթե, ինչպես հայտարարել են Հայաստանի որոշ ղեկավարներ, հիմա, հիասթափվելով Ռուսաստանից և ՀԱՊԿ-ից, նրանք իրենց գործընկերների կողմը կնայեն՝ ամրապնդելու համար իրենց անվտանգությունը, դա իրենց ինքնիշխան ընտրությունն է, Հայաստանի ղեկավարության ընտրությունը»,- ասել է ՌԴ ԱԳՆ ղեկավարը: