Ոստիկանությունը բռնի ուժով բերման է ենթարկել Բևեռի մեկ տասնյակ աջակիցների․ ԱԺԲ

Ազգային-ժողովրդավարական բևեռի մամուլի ծառայությունը հայտնում է․ «Երեկվա երթի ավարտին, երբ արդեն երթի մասնակիցների մեծ մասը Օպերայի հրապարակում էր, ոստիկանությունը Մաշտոցի պողոտայի սկզբնամասում բռնի ուժի կիրառմամբ բերման է ենթարկել Բևեռի անդամներ Վահագն Ավագյանին, Գևորգ Սաֆարյանին, Արսեն Մկրտչյանին և այլ աջակիցների: Ականատեսների պնդմամբ ոստիկանները քաշքշել և հարվածներ են հասցրել Բևեռի անդամներին:
Ոստիկանների քաշքշոցների և բռնի գործողությունների արդյունքում երթի մասնակիցներից Նաիրա Ղուշչյանի առողջական վիճակը կտրուկ վատացել է, նա ուշաթափվել է: Շտապ օգնության մեքենայով տեղափոխել են հիվանդանոց:
Նախնական տեղեկություններով շուրջ մեկ տասնյակ անձ է բերման ենթարկվել:
Դատապարտում ենք ոստիկանների բռնի գործողությունները, ովքեր կատարում են ազգի դավաճան Նիկոլ Փաշինյանի անմիջական հրահանգը և պահանջում ենք շտապ ազատ արձակել մեր ընկերներին»։