ՄԱԿ ԱԽ-ն Իսրայելում պատերազմի վերաբերյալ հայտարարություն չի ընդունել

ՄԱԿ-ի Անվտանգության խորհուրդը համատեղ հայտարարությամբ հանդես չի եկել Իսրայելի վրա հարձակմանը նվիրված արտակարգ նիստի արդյունքներով, գրում է CNN-ը։

ԱՄՆ փոխդեսպան Ռոբերտ Վուդը հայտարարել է, որ մեծ թվով երկրներ դատապարտել են ՀԱՄԱՍ-ի հարձակումները, սակայն եղել են երկրներ, որոնք հրաժարվել են դա անել։

«Ակնհայտ է, որ ոչ բոլորն են դատապարտել տեղի ունեցածը. չեմ ուզում մանրամասնել»,- ասել է նա։

Վուդի խոսքով՝ իրավիճակը մնում է փոփոխական և շատ վտանգավոր։

Հիշեցնենք, որ Իսրայելը Գազայի հատվածից աննախադեպ հրթիռակոծության է ենթարկվել ՀԱՄԱՍ-ի կողմից։ Իր հերթին Իսրայելը պաշտոնապես հայտարարել է պատերազմի մեջ մտնելու մասին։ Երկու կողմից էլ հարյուրավոր զոհեր կան: