Իսրայելի նախագահը կոչ է արել բոլոր երկրներին ճանաչել ՀԱՄԱՍ-ը` որպես ահաբեկչական կազմակերպություն

Իսրայելի նախագահ Իսահակ Հերցոգը կոչ է արել բոլոր երկրներին բարձրաձայն և հստակ դատապարտել ՀԱՄԱՍ-ի զինյալների գործողությունները, ինչպես նրանք ժամանակին դատապարտել են ԴԱԻՇ ահաբեկիչներին: Այս մասին հայտնում է ՏԱՍՍ-ը։

Նրա կարծիքով՝ այսօր այս երկու կազմակերպություններն էլ գրեթե նույնն են դարձել։

Հերցոգը նաև ասել է, որ ՀԱՄԱՍ-ն է կրում ողջ պատասխանատվություննը պատանդների կյանքի համար, որոնց վերցրել է, և կոչ է արել ապահովել նրանց անհապաղ վերադարձը հայրենիք:

Նա նաև նշել է, որ Հոլոքոստից ի վեր մեկ օրում այսքան շատ հրեա չէր սպանվել: