Ուկրաինան իր գործընկերներին խնդրել է «վարձույթով» տրամադրել ՀՕՊ համակարգեր ձմռան համար

Ուկրաինայի նախագահ Վլադիմիր Զելենսկին ասել է, որ Կիևը որոշ երկրներին խնդրել է իր երկրին ՀՕՊ համակարգեր տրամադրել առնվազն ձմեռային ժամանակահատվածի համար։ Համապատասխան հայտարարությամբ նա հանդես է եկել Օդեսայում Նիդերլանդների վարչապետի պաշտոնակատար Մարկ Ռյուտեի հետ հանդիպումից հետո կայացած ճեպազրույցում, փոխանցում է ՏԱՍՍ-ը։

Նա նշել է, որ Ուկրաինայի իշխանություններն ակտիվորեն աշխատում են հակաօդային պաշտպանության համակարգերի քանակի ավելացման ուղղությամբ, մասնավորապես՝ պաշտպանելու էներգետիկ օբյեկտները և հացահատիկի արտահանման միջանցքը։ Զելենսկու խոսքով՝ Կիևն ունի «հզոր ծրագիր» այն բանի համար, ինչ անհրաժեշտ է Ուկրաինային։ Այս պլանը մանրամասն մշակված է, շարունակել է նա։

«Մեր գործընկերներն ունեն դա՝ բոլոր եվրոպացի գործընկերները, գործընկերները ԱՄՆ-ից, Ասիայից և այլն։ Սա բարդ խնդիր է, մենք ամեն ամիս ավելացնում ենք համակարգեր։ Ես չեմ կարող ձեզ ասել, թե որտեղ կլինեն այդ համակարգերը, և չեմ կարող ասել ձեզ քանակի մասին»,- հավելել է Զելենսկին։