Կիրակի, 08 սեպտեմբերի, 2024 թ.
|
Ստեփանակերտում`   +14 °C

Թրամփն ասել է, որ միայն ինքը կարող է պաշտպանել Իսրայելը

Թրամփն ասել է, որ միայն ինքը կարող է պաշտպանել Իսրայելը
1930
Շաբաթ, 14 հոկտեմբերի, 2023 թ., 18:30

ԱՄՆ նախագահի հանրապետական ​​թեկնածու Դոնալդ Թրամփը կարծում է, որ ինքը պետության ղեկավարի պաշտոնի միակ թեկնածուն է, որն ունակ է պաշտպանել Իսրայելն ագրեսիայից։ Այս մասին հայտնում է The Hill-ը։

«Ես ապահովել եմ Իսրայելի անվտանգությունը, հիշեք դա։ Ես Իսրայելն ապահով պահեցի... Ուրիշ ոչ ոք դա չի անի, ոչ ոք չի կարող դա անել, և ես ճանաչում եմ բոլոր խաղացողներին»,- ասել է Թրամփը։

Նա նաև Ջո Բայդենին է մեղադրել Իսրայելի վրա ՀԱՄԱՍ-ի հարձակման համար: Միացյալ Նահանգների նախագահի թեկնածուի կարծիքով՝ «իրավիճակը միայն կվատթարանա»։

Մինչ այս Թրամփը, լրագրողների հետ զրույցում, կողմ էր արտահայտվել Բենիամին Նեթանյահուի հրաժարականին Իսրայելի վարչապետի պաշտոնից։

Հայտնի է նաև, որ Թրամփը մամուլի հետ խոսելիս շատ խիստ նախատել է Նեթանյահուին, հատկապես Մոսադի՝ Իսրայելի հետախուզական ծառայության ձախողման համար, որը չի կարողացել բացահայտել Իսրայելի վրա ՀԱՄԱՍ-ի հարձակման նախապատրաստումը։ Բացի այդ, Թրամփը հանդես է եկել Պաղեստինին տրամադրվող բոլոր օգնությունների դադարեցման օգտին։