Իսրայելն ու ՀԱՄԱՍ-ը հերքել են ժամանակավոր հրադադարի մասին լուրերը

Իսրայելն ու ՀԱՄԱՍ-ը հերքել են ժամանակավոր հրադադարի մասին լուրերը։ Ավելի վաղ Reuters գործակալությունը՝ վկայակոչելով Եգիպտոսի անվտանգության ուժերում իր աղբյուրներին, գրել էր, որ հրադադարի ռեժիմ է սահմանվել, որով նախատեսվում է Եգիպտոս-Գազա անցակետի բացումը։

BBC-ի հաղորդմամբ՝ Իսրայելի վարչապետ Բենիամին Նեթանյահուի վարչակազմը ևս հերքել է հրադադարի մասին լուրերը։

Հիշեցնենք՝ ըստ Reuters-ի, Գազայի և Եգիպտոսի սահմանին գտնվող անցակետը պետք է մի քանի ժամով բացվեր, որպեսզի հումանիտար օգնություն մտներ տարածաշրջան, ինչպես նաև որոշ օտարերկրացիներ հեռանային: