Նեթանյահուն ուղերձ է հղել Հեզբոլլահին և Իրանին

Ելույթ ունենալով Քնեսեթի ձմեռային նստաշրջանի բացման ժամանակ՝ Իսրայելի վարչապետ Բենիամին Նեթանյահուն ուղերձ է հղել Հեզբոլլահին և Իրանին։

Իսրայելի կառավարության ղեկավարը, հետևելով ԱՄՆ նախագահ Ջո Բայդենին, զգուշացրել է երկու կողմերին՝ չմիջամտել ՀԱՄԱՍ-ի հետ պատերազմին։ «Կարիք չկա փորձելու մեր համբերությունը երկրի հյուսիսում: Մեր պատասխանը կլինի շատ ավելի կոշտ և հզոր, քան նախկինում: Ես ձեզ եբրայերեն ասում եմ այն, ինչ ԱՄՆ-ի նախագահը ձեզ անգլերեն ասաց՝ զգուշացեք»,- ասել է Նեթանյահուն:

Ինչպես ավելի վաղ հաղորդվել էր, կառավարության ղեկավարը նաև նշել է, որ Իսրայելի նպատակը ՀԱՄԱՍ-ի լիակատար ոչնչացումն է։