«Ամբողջ պատասխանատվությունն իմ ուսերին է». Իսրայելի հետախուզության ղեկավարն ընդունել է սխալները

Իսրայելի Անվտանգության գլխավոր ծառայության ղեկավար Շին Բեթ Ռոնեն Բարն անձնական պատասխանատվություն է ստանձնել երկրի վրա ՀԱՄԱՍ-ի զինյալների չկանխված հարձակման համար։ Այս մասին նա գրել է հետախույզներին և նրանց ընտանիքներին ուղղված նամակում։ «Չնայած մեր ձեռնարկած մի շարք միջոցառումներին, ցավոք, չկարողացանք կանխել հարձակումը։ Իսկ պատասխանատվությունը կրում եմ ես՝ որպես ծառայության ղեկավար»,- նամակից հատվածներ է մեջբերում իսրայելական Yedioth Ahronot թերթը։

Բարը նշել է, որ կգա համապատասխան հետաքննության ժամանակը, սակայն առայժմ Իսրայելը պատերազմի մեջ է և պետք է պայքարի։ Նա նաև ասել է, որ այս պատերազմը կտևի այնքան ժամանակ, քանի դեռ Իսրայելը չի ​​հաղթանակի. «Ոչ մի սահմանափակում չկա... Մենք գնալու ենք մինչև վերջ»։

Ավելի վաղ Իսրայելի պաշտպանության բանակի գլխավոր շտաբի պետ Հերզի Հալևին խոստովանել էր, որ ՀԱՄԱՍ-ի գրոհայինների հարձակման ժամանակ զինվորականները չեն կարողացել հաղթահարել իրենց պարտականությունները։ «Իսրայելի պաշտպանական ուժերը պատասխանատու են երկրի և նրա քաղաքացիների անվտանգության համար։ Իսկ շաբաթ օրը [հոկտեմբերի 7-ին] Գազայի հատվածին սահմանակից համայնքներում մենք չկարողացանք կատարել մեր պարտականությունները։ Մենք կպարզենք, թե ինչու դա տեղի ունեցավ, բայց հիմա պայքարելու ժամանակն է», - հոկտեմբերի 12-ին ասել է Հալևին: