ՀԱՄԱՍ-ը պատրաստ է պատանդներին փոխանակել հրադադարի դիմաց

ՀԱՄԱՍ-ը պատրաստակամություն է հայտնել մեկ ժամվա ընթացքում ազատ արձակել բոլոր պատանդներին, եթե Գազայի ռմբակոծությունը դադարեցվի, NBC News-ին ասել է բարձրաստիճան պաշտոնյան։

Իսրայելը հայտարարել է, որ գրոհայիններն առնվազն 199 մարդու պատանդ են վերցրել շաբաթվա վերջին Իսրայելի վրա ՀԱՄԱՍ-ի անսպասելի հարձակման ժամանակ:

Բացի այդ՝ ՀԱՄԱՍ-ի խոսնակը նաև նշել է, որ պատանդ պահվող իսրայելցի զինվորների ազատ արձակման դիմաց Իսրայելը պետք է ազատի բոլոր պաղեստինցիներին, որոնք պահվում են իսրայելական բանտերում:

Նա հավելել է, որ ԱՄՆ-ն և Իսրայելն արդեն գիտեն քաղաքացիական պատանդների ազատ արձակման պայմանների մասին, քանի որ զինյալ խմբավորումը դրանք բացահայտել է արաբական մի քանի երկրների ղեկավարների հետ զրույցներում։