«Ռուսական հեռուստաընկերությունները հնարավո՞ր է Հայաստանում փակվեն». հարց՝ նախարարին

Օրեր առաջ ՀՌՀ-ն հայտնել էր, որ ռուսական հեռուստաալիքների հեռարձակման պայմանագրի դրույթների խախտումներ է հայտնաբերել, իսկ ՔՊ-ական պատգամավորներից մեկն էլ ասել էր՝ անհրաժեշտ է անջատել ռուսական հեռուստաալիքները «հակահայկական կոնտենտի» պատճառով, որը վտանգ է ներկայացնում երկրի ազգային անվտանգության համար: Վերջինի մասով՝ Բարձր տեխնոլոգիական արդյունաբերության նախարար Ռոբերտ Խաչատրյանը հրաժարվել է մեկնաբանել, միայն նշել է, որ խախտումներն իրենց ուշադրության կենտրոնում են, համապատասխան քայլեր կձեռնարկեն: Ճշտող հարցին՝ եթերազրկման հարց քննարկվո՞ւմ է, թե՞ ոչ, նշել է. «Եկեք առաջ չընկնենք, եթե նորություն ունենանք, կտեղեկացնենք»: