Ինչո՞վ է հայտնի ԱՄՆ Ներկայացուցիչների պալատի նոր խոսնակը, որը որոշել է երես թեքել Ուկրաինայից

Լուիզիանա նահանգը ներկայացնող հանրապետական Մայք Ջոնսոնն ընտրվել է ԱՄՆ Ներկայացուցիչների պալատի 56-րդ խոսնակի պաշտոնում՝ փոխարինելով Քևին ՄքՔարթիին։
Reuters-ը պատմում է՝ ինչով է նա հայտնի։
«Ներկայիս խոսնակը ներկայացնում է Լուիզիանա նահանգը։ Նրա օգտին քվեարկել է 220 օրենսդիր, այսինքն՝ բոլոր հանրապետականները, ովքեր ներկա էին դահլիճում։ Մինչ քաղաքական գործունեություն ծավալելը Ջոնսոնը գրեթե 20 տարի զբաղվել է սահմանադրական իրավունքով։ Պաշտոնի բոլոր թեկնածուներից նա ունեցել է կառավարման գործունեության նվազագույն փորձ:
Քաղաքական հայացքներ
Մայք Ջոնսոնը նաև նախկին նախագահ Դոնալդ Թրամփի քաղաքականության հետևորդն է: 2020 թվականին ԱՄՆ ներկայիս նախագահ Ջո Բայդենի նախագահական ընտրություններում տարած հաղթանակից հետո Ջոնսոնը սոցցանցում աջակցել է Թրամփին և նախկին նախագահին մաղթել՝ ուժեղ մնալ: «Ես հենց նոր զանգեցի նախագահ Թրամփին՝ ասելու հետևյալը. «Մնացեք ուժեղ և շարունակեք պայքարել»,- գրել էր նա X սոցցանցում։
Իր հերթին, Դոնալդ Թրամփը մեկնաբանել է Ներկայացուցիչների պալատի պաշտոնում իր համախոհի առաջադրումը: Նա Ջոնսոնին հրաշալի քոնգրեսական է անվանել։ Թրամփը նաև հայտարարել է, որ Պալատի նոր խոսնակը բոլորի հարգանքն է վայելում: Ինքը՝ Մայք Ջոնսոնը, խոստացել է, որ երբեք չի դադարի պայքարել։
Աջակցություն Իսրայելին
Նոր պաշտոնում իր գլխավոր խնդիրը պալատի 56-րդ խոսնակը համարում է օրինագծի առաջադրումը, որի օգնությամբ կընդունվի Իսրայելին աջակցելու մասին բանաձևը:
«ԱՄՆ-ն անվերապահորեն աջակցում է Իսրայելին, և մենք կտրամադրենք աջակցություն և ռեսուրսներ, որոնք անհրաժեշտ են Մերձավոր Արևելքն ու աշխարհը ՀԱՄԱՍ ահաբեկչական ռեժիմից ազատելու համար»,- ասել է Ջոնսոնը։
Ուկրաինայի նկատմամբ վերաբերմունքը
Ջոնսոնից պետք չէ ակնկալել աջակցություն Ուկրաինայի ուղղությամբ։ Նա հանդես է եկել հակաուկրաինական հայտարարություններով։ 2022 թվականին Ջոնսոնը նշել է, որ Ամերիկան չպետք է Կիևին գումար ուղարկի։
Ուկրաինան արդեն հասցրել է շնորհավորել Ներկայացուցիչների պալատի նոր խոսնակին և հույս հայտնել, որ երկրների միջև արդյունավետ համագործակցություն կլինի:
Եթե դատենք երկրներին ամերիկյան օգնություն ուղարկելու մասին տվյալներով՝ ԱՄՆ-ն ուշադրության վեկտորը տեղափոխում է Իսրայելի և Պաղեստինի հակամարտության ուղղությամբ։ Ուկրաինայի հետ համագործակցությունն ավելի քիչ է, քան նախկինում էր»,- գրում է Reuters-ը։

«Իշխանության աջակիցների հետ ես ունեմ քաղաքական, մարդկային, քաղաքակրթական անհամատեղելիություն». Նարեկ Գալստյան
10603:06
«Հայաստանը որևէ հիդրո ծրագիր իրականացնելիս պետք է հաշվի առնի նաև հարևանի շահերն ու հետաքրքրություննները». Թաթուլ Հակոբյան
142Երեկ, 20:30
«Եռակողմ բանակցությունների ընդլայնման հարցը Ռուսաստանի հետ չի համաձայնեցվել». Ուշակով
238Երեկ, 19:49
«Ոնց որ կորցրել ա բանանը․ ես հոգեբույժ չեմ, չեմ կարող պատասխանել»․ Էդգար Ղազարյան (տեսանյութ)
159Երեկ, 17:36
«Իր գազի կալոնկայի տեղը կարող ա ինքը գիտի, իմի տեղը որ ցույց տա՝ ուրախ կլինեմ»․ Էդգար Ղազարյան (տեսանյութ)
155Երեկ, 17:30
«Ցանկացած մեկը, ով կպնում է ընտանիքին, պետք իմանա, որ պատասխան տալու է»․ Արա Պողոսյան (տեսանյութ)
121Երեկ, 17:24
«Պուտինի, Թրամփի և Սի Ծինփինի հանդիպումը տեղի կունենա առանց նախապես համաձայնեցված օրակարգի»․ #FT
317Երեկ, 17:13
«Եթե էս ռոբոտին ուղարկենք բանակցությունների, ավելի լավ արդյունքներ կունենանք»․ Սաթիկ Սեյրանյան (տեսանյութ)
116Երեկ, 17:06