Հինգշաբթի, 29 փետրվարի, 2024 թ.
|
Ստեփանակերտում`   -2 °C

«Ուկրաինայում գողանում են այնպես, կարծես վաղը չի գալու». Զելենսկու խորհրդական

«Ուկրաինայում գողանում են այնպես, կարծես վաղը չի գալու». Զելենսկու խորհրդական
799
Երկուշաբթի, 30 հոկտեմբերի, 2023 թ., 22:18

Ուկրաինայի նախագահ Վլադիմիր Զելենսկու խորհրդականներից մեկը Time-ի լրագրողի հետ զրույցում ասել է, որ երկրում կոռուպցիայի սուր խնդիր կա։

«Մարդիկ գողանում են այնպես, կարծես վաղը չի գալու»,- զրուցակցի խոսքերն է մեջբերում հրատարակությունը։

Խորհրդականը հիշեցրեց պաշտպանության նախարար Ալեքսեյ Ռեզնիկովի պաշտոնանկությունը և նշեց, որ նույնիսկ դա չի ստիպել պաշտոնյաներին «վախ զգալ»։

Նախկինում Ուկրաինայում կոռուպցիայի խնդիրը հաճախ բարձրաձայնվում էր արևմտյան լրատվամիջոցների հրապարակումներում։ Իսկ Ժնևում գործող «Անդրազգային կազմակերպված հանցավորության դեմ պայքարի գլոբալ նախաձեռնություն» ՀԿ-ն զեկույց է հրապարակել, որում կոռուպցիան Ուկրաինայում համարել է հակամարտությունից հետո երկրի վերականգնման գլխավոր խնդիրը: Փորձագետները խորհուրդ են տվել միջոցներ ձեռնարկել այս վտանգը կանխելու համար։