Սպիտակ տունը հերքում է Նեթանյահուի՝ պաշտոնից հեռանալու շուրջ քննարկումը

Չորեքշաբթի երեկոյան Սպիտակ տունը հերքել է տեղեկությունը, ըստ որի՝ ԱՄՆ-ի նախագահ Ջո Բայդենը և իր օգնականները քիչ հավանական են համարում Բենյամին Նեթանյահուի՝ Իսրայելի վարչապետի պաշտոնում մնալու հանգամանքը։

«Այդ տեղեկությունները կեղծ են, քանի որ այս թեման նախագահի կողմից չի քննարկվել և ներկայումս էլ չի քննարկվում»,- ասել է Ազգային անվտանգության խորհրդի խոսնակ Ադրիեն Ուոսթոնը։

Չորեքշաբթի օրը Politico-ում հրապարկված հոդվածում ասվում է, որ Բայդենը նախորդ ամիս իր այցի ժամանակ խոսել է այս հարցի շուրջ Նեթանյահուի հետ՝ խորհուրդ տալով նրան նկատի ունենալ բոլոր այն խնդիրները, որոնք նա կցանկանար փոխանցել իր իրավահաջորդներին։

Երրորդ ամերիկացի պաշտոնյան Politico-ին ասել է, որ Նեթանյահուի՝ իշխանության մնալը կարող է տևել միայն մի քանի ամիս կամ մինչև Գազայում Իսրայելի գործողությունների առաջին փուլի ավարտը։ Պաշտոնյան հավելել է նաև, որ տեղի ունեցածի վերաբերյալ պետք է հաշվի առնել նաև հասարակության կարծիքը։