Հուշատախտակ՝ նվիրված բազմավաստակ հնագետին

Այսօր Մաշտոցի պողոտայի 16 հասցեում տեղի ունեցավ նշանավոր հնագետ և պատմաբան, ակադեմիկոս Բաբեկ Առաքելյանի հիշատակը հավերժացնող հուշատախտակի բացման արարողությունը։
Արարողությանը մասնակցում էին ինչպես ընտանիքի անդամներ, այնպես էլ գործընկերներ և հյուրեր։
ՀՀ ԳԱԱ ակադեմիկոս, պատմական գիտությունների դոկտոր Բաբկեն Առաքելյանը եղել է Խորհրդային Հայաստանի և Հայաստանի Հանրապետության նշանավոր և բազմավաստակ հնագետներից։ 1959-ից -1990 թվականներին եղել է ՀԽՍՀ ԳԱԱ հնագիտության և ազգագրության ինստիտուտի տնօրեն։ Նա հեղինակ է ավելի քան 120 գիտական մեծ ու փոքր աշխատությունների։ «Հայ ժողովրդի պատմություն» ութհատորյա ակադեմիական հրատարակության համահեղինակներից է։
Նշանավոր հնագետը Մաշտոցի պողոտայի այս տանն ապրել է 1949-2004 թվականներին։