«Մենք ԱԹՍ-ներ ենք օգտագործում Գազայում՝ պատանդներ որոնելու համար»․ Պենտագոն

ԱՄՆ-ն առաջին անգամ պաշտոնապես հաստատել է, որ հետախուզական անզեն ԱԹՍ-ներ է օգտագործում Գազայի հատվածում։ Ինչպես նշել է Պենտագոնի ներկայացուցիչ Փեթ Ռայդերը, դրանք օգտագործվում են պատանդներ որոնելու համար, փոխանցում է BBC-ն։ «Միացյալ Նահանգները նաև օգնություն ու խորհրդատվություն է տրամադրում իսրայելցի գործընկերներին՝ պատանդներին վերադարձնելու հարցում»,- ասել է նա։

Հիշեցնենք՝ ավելի վաղ հաղորդվել էր, որ Գազայի հատվածում նկատվել են ամերիկյան MQ-9 Reaper անօդաչու թռչող սարքեր։