ԱՄՆ-ն պատասխան կտա իր բազաների վրա հարձակումներին

Միացյալ Նահանգները կարող է պատասխանել Մերձավոր Արևելքում իր բազաների վրա հարձակումներին այն ժամանակ, երբ Վաշինգթոնը որոշի, Հնդկաստանի մայրաքաղաքում լրագրողների հետ զրույցում ասել է Փենթագոնի ղեկավար Լլոյդ Օսթինը՝ պատասխանելով Մերձավոր Արևելքում ամերիկյան ռազմաբազաների վրա հարձակումների մասին հարցին։

«Մեր ժողովրդի անվտանգությունը մեր առաջնահերթությունն է։ Մենք չենք կարող կանխագուշակել կամ կանխատեսել, թե երբ ենք հարված հասցնելու։ Մենք դա կանենք մեզ հարմար ժամանակ: Մեր օբյեկտների և մարդկանց վրա հարձակումները պետք է դադարեցվեն»,- ասել է նա: