Ադրբեջանի բռնազավթման հետևանքով հակառակորդին անցած թանգարանների թիվը

Արցախի մշակութային ժառանգության պաշտպանության պետական խորհուրդը ֆեյսբուքյան էջում հայտնում է․ «Արցախի Հանրապետության բնակչության բռնի տեղահանության հետևանքով Ադրբեջանի վերահսկողության տակ է մնացել ամբողջությամբ կամ մասնակի 8 թանգարան:
2020 թվականի պատերազմի հետևանքով Արցախի բռնազավթված տարածքներում՝ Շուշիում և Հադրութի շրջաններում, Ադրբեջանի վերահսկողության տակ են մնացել 10 թանգարան՝ 17070 ցուցանմուշներով և արվեստի գործերի 8 հավաքածու՝ 1077 ցուցանմուշներով»։