«Փաշինյանը Ալիևի սրտի քարտեզով վերաձևում է ՀՀ սուվերեն տարածքը»․ Նաիրա Զոհրաբյան

ՀՀ ԱԺ նախկին պատգամավոր Նաիրա Զոհրաբյանը «Հայելի» ակումբում ասուլիսի ժամանակ խոսել է արցախցիների հումանիտար խնդիրների մասին՝ ասելով, որ նրանք կանգնած են «հումանիտար կատաստրոֆայի» առաջ. «Պետությո՛ւն, կա՛մ էս աղետի հաղթահարումը վերցնում ես քո վրա, կա՛մ մենք ականատես ենք լինելու 21-րդ դարի հումանիստար ամենամեծ կատաստրոֆային արդեն Հայաստանում։ Հազարավոր ընտանիքներ կան, որ էդ 100 000 դրամները չեն ստացել։ Հազարավոր ընտանիքներ 50 000 կոմունալ ծախսերի փոխհատուցումը չեն ստացել։ Ընդդիմությո՛ւն, ՔՊ-ականների հետ ձեր վոյաժների արանքում արցախցիների մասով գոնե օրենսդրական կարգավորումներ բերեք։ Գոտիավորեք Հայաստանը և Երևանը, որ ամեն մեկը Ապարանի Երնջատափ գյուղի իրա գոմը 300000-ով վարձակալության չտա»։

Անդրադառնալով «Փաշինյանի ջեբը քցել են» արտահայտությանը՝ Նաիրա Զոհրաբյանը նշել է․ «Նիկոլը 2020-ին ընդունել է, որ իր ջեբը ինչ-որ բան են քցել։ Իր ջեբը քցել են հզոր Հայաստան, անկախ Արցախ, ուժեղ պետություն և իր ջեբը քցել են վախեցած Ալիև։ Հիմա Ալիևի սրտի քարտեզով վերաձևում ա ՀՀ սուվերեն տարածքը»: