ԵՄ-ը քննարկում է ռուս դիվանագետների տեղաշարժի հնարավոր սահմանափակման հարցը

1378

Երեքշաբթի, 21 նոյեմբերի, 2023 թ., 11:48

Եվրոմիությունը քննարկում է ռուս դիվանագետների նկատմամբ միությունում տեղաշարժի հնարավոր սահմանափակումը: Դա առաջարկել է անել Չեխիան՝ պատժամիջոցների 12-րդ փաթեթի շրջանակներում, գրում է Financial Times-ը:

«ԵՄ անդամ երկրները քննարկում են՝ սահմանափակումներ մտցնե՞լ Ռուսաստանից դիվանագետների ճանապարհորդությունների համար»,- նշում է թերթը:

Թերթի տվյալներով՝ Չեխիան ցանկանում է, որ Ռուսաստանից դիվանագետները ստանան վիզաներ և կացության թույլտվություններ, որոնք թույլ կտան ճանապարհորդել միայն ընդունող երկրի ներսում, այլ ոչ թե Շենգենյան գոտու մնացած մասով:

Բացի այդ, Պրահան կոչ է անում, որ Եվրոմիությունը ռուս դիվանագետներից ընդունի միայն կենսաչափական անձնագրեր, որոնք, Չեխիայի իշխանությունների կարծիքով, ավելի դժվար է կեղծել: