Թուրքիան հայտնել է, որ չի վավերացնի Շվեդիայի հայտը մինչև հաջորդ շաբաթ

Թուրքիան ՆԱՏՕ-ին տեղեկացրել է, որ չի վավերացնի ՆԱՏՕ-ին անդամակցության Շվեդիայի հայտը մինչև նոյեմբերի 28-29-ը, գրում է Reuters-ը՝ վկայակոչելով իրազեկ աղբյուրները:

Աղբյուրներից մեկի խոսքով՝ Թուրքիայի խորհրդարանի արտաքին հարաբերությունների հանձնաժողովը, հավանաբար, կվերսկսի այդ հարցի շուրջ քննարկումները հենց նոյեմբերի 28-29-ին:

Վավերացման համար օրինագիծը պետք է հաստատվի կոմիտեի կողմից, այնուհետև դրվի քվեարկության խորհրդարանում, որից հետո երկրի նախագահ Ռեջեփ Էրդողանը պետք է ստորագրի այն որպես օրենք: