Երկուշաբթի, 29 հունիսի, 2026 թ.
|
Ստեփանակերտում`   +14 °C

«Պետությունը ավտոներկրողներին ստիպում է ունենալ շատ ավելի մեծ եկամուտ, քան ստացվում է մեքենայի վաճառքից». Գառնիկ Դանիելյան

«Պետությունը ավտոներկրողներին ստիպում է ունենալ շատ ավելի մեծ եկամուտ, քան ստացվում է մեքենայի վաճառքից». Գառնիկ Դանիելյան
593
Հինգշաբթի, 23 նոյեմբերի, 2023 թ., 23:48

ԱԺ «Հայաստան» խմբակցության պատգամավոր Գառնիկ Դանիելյանն իր էջում գրում է․ «Այսօր վաղ առավոտից հետևում եմ ավտոներկրողների բողոքի ակցիային, նրանց կողմից ստանում բազմաթիվ հեռախոսազանգեր:
Վերջին տարիներին բազմիցս անդրադարձել եմ այն արհեստական խոչընդոտներին, որոնք ստեղծում է իշխանությունը այս բիզնեսի ներկայացուցիչների համար:
Ավտոներկրողները մտահոգված են վերջերս ԱԺ-ում ընդունված «Հայաստանի Հանրապետության հարկային օրենսգրքում փոփոխություններ եւ լրացումներ կատարելու մասին» օրենքի նախագծով, որի համաձայն, ավտոներկրող ընկերություններից պահանջվում է ունենալ նվազագույնը 20 տոկոս եկամուտ, որից էլ հարկելու են:
Այս ընկերությունների ներկայացուցիչները հավաստացիանում են, որ մեկ մեքենայի վաճառքից ունենում են շատ ավելի քիչ եկամուտ, քան 20 տոկոսն է:
Ստացվում է, որ պետությունը միջամտում է և ավտոներկրողներին ստիպում ունենալ շատ ավելի մեծ եկամուտ, քան ստացվում է ավտոմեքենաների վաճառքից:
Լիովին հասկանալի են ինձ համար ավտոներկրողների դժգոհությունները: Շարունակելու եմ հետևողական լինել հարցին՝ փորձելով առաջարկել լուծումներ, որոնց արդյունքում չի տուժի ավտոներկրման ոլորտը և չեն փակվի բազմաթիվ ընկերություններ»:

Աղբյուրը`   Գառնիկ Դանիելյան