Երեքշաբթի, 16 սեպտեմբերի, 2025 թ.
|
Ստեփանակերտում`   +14 °C

Օրբանն ու Միշելը քննարկել են ԵՄ-ին Ուկրաինայի անդամակցության շուրջ բանակցություններ սկսելու հարցը

Օրբանն ու Միշելը քննարկել են ԵՄ-ին Ուկրաինայի անդամակցության շուրջ բանակցություններ սկսելու հարցը
1824
Երկուշաբթի, 27 նոյեմբերի, 2023 թ., 17:48

Հունգարիայի վարչապետ Վիկտոր Օրբանը և Եվրոխորհրդի նախագահ Շառլ Միշելը Բուդապեշտում քննարկել են ԵՄ-ին Ուկրաինայի անդամակցության շուրջ բանակցություններ սկսելու հարցը:

«Հանդիպումը տեղի է ունեցել Եվրոմիության դեկտեմբերյան գագաթնաժողովի նախապատրաստման շրջանակներում»,-ասել է Հունգարիայի վարչապետի խոսնակ Բերտալան Հավաշին, հաղորդում է MTI լրատվական գործակալությունը:

Politico թերթի տվյալներով՝ վերջերս Օրբանը նամակ է հղել Միշելին, որում նախազգուշացրել է, որ թույլ չի տա բանակցություններ սկսել Ուկրաինայի հետ, ինչպես նաև նրան լրացուցիչ ֆինանսական օգնություն տրամադրել, քանի դեռ ԵՄ-ը խորը քննարկումներ չի անցկացրել այդ երկրի վերաբերյալ ռազմավարության շուրջ: Հունգարիայի կառավարությունը հանդես է եկել այդ ռազմավարության վերանայման օգտին: