Վլադիվոստոկում Կիմ Չեն Ընի դեմ մահափորձ էին ծրագրել. #Dailybeast

1811

Երեքշաբթի, 28 նոյեմբերի, 2023 թ., 10:30

Ամերիկյան Daily Beast թերթը հաստատել է Հյուսիսային Կորեայի առաջնորդ Կիմ Չեն Ընի ոչնչացման մի քանի ծրագրերի մշակման լուրը: Դրանցից առնվազն մեկը կարող էր տեղի ունենալ Վլադիվոստոկում՝ Ռուսաստան կատարած պաշտոնական այցի ժամանակ:

«Հյուսիսային Կորեայի անվտանգության ծառայությունները մտահոգված էին, երբ 2016 թվականին հայտնի դարձավ, որ Կիմ Չեն Ընը ծրագրում է այցելել Վլադիվոստոկ՝ նախագահ Վլադիմիր Պուտինի հետ իր առաջին հանդիպման համար»,- գրում է թերթը: Այդ ժամանակ ուղևորությունը չեղարկվեց անվտանգության նկատառումներից ելնելով:

Կիմ Չեն Ընի ռեժիմը տապալելու ևս մեկ ծրագիր եղել է 2017 թվականին, այն ֆինանսավորվել է Հարավային Կորեայի հետախուզության կողմից: Թերթի տվյալներով՝ նման ծրագրի հետևում կանգնած են եղել հարավկորեական ոչ առևտրային կազմակերպության գլխավոր տնօրեն Տո Հի Յունը, ինչպես նաև Կիմ Սոն Իլը, որը գործել է Խաբարովսկից: Սակայն մտադրությունները չեն իրականացվել, քանի որ մի քանի կազմակերպիչներ ձերբակալվել են ԿԺԴՀ-ում: